Þrátt fyrir að milljónir karla og nokkrar konur um allan heim flaggi myndarlegum skeggjum um þessar mundir, þá hefur rannsókn bent til þess að þau séu frekar ógeðsleg.
Rannsókn líftæknifræðinga sýnir að skegg eru skítugri en klósett.
Líftæknifræðingurinn John Golobic sem starfar í Nýju Mexíkó tók sýni úr skeggjum og kannaði hvaða bakteríur leyndust í þeim.
Hann segir um niðurstöðuna „Ég er venjulega ekkert mjög hissa þegar fæ niðurstöðuna úr rannsóknum mínum en ég var það núna. Bakteríurnar sem þarna lifa eru svipaðar þeim sem lifa í hægðum.“
Sum skeggin höfðu jafn mikið af þessum bakteríum og þú myndir finna í meðal klósetti.
John segir jafnframt að ef þetta magn baktería fyndist í drykkjarvatni yrði sá sem það drykki mjög veikur.
Hann segir að magnið sem sé í skegginu sé ekki nóg til að gera þann skeggjaða veikann, en mælir með því að menn séu ekki að fikta í skegginu og borða síðan án þess að þvo sér um hendurnar í millitíðinni.
Ekkert er minnst á hættuna sem þessi baktería kann að valda konum sem kyssa skeggjaða menn, en þetta fær mann svo sannarlega til að hugleiða hana…
