Fyrirtæki um allan heim mæla með því að starfsfólkið sitt leggi sig í vinnunni. Þau gera það út af fyrirbæri sem er kallað ‘Contanza áhrifin’ og byggir á því að lúrar yfir daginn auki framleiðni einstaklingsins.
Michael Breus er svefn- og sálfræðingur og hefur rannsakað Contanza áhrifin í mörg ár. Það er hann sem fullyrðir orðin hér að ofan og mælir með því að einstaklingar leggi sig á miðjum vinnudegi.
„Lykillinn eru 25-30 mínútna blundir sem hjálpa þér að vera með fullan tank af orku allan daginn. Þetta virkar svo vel að meira að segja fyrirtækin eru farin að mæla með aðferðinni. Stórfyrirtæki eins og Google, AOL ásamt fleirum hafa meira að segja komið upp sérstökum ‘svefnherbergjum’ í starfsmannaaðstöðum“.
Hafðu í huga …
Lúrar róa taugarnar = Minna stress
Ef einbeitingin er lítil, þreytan er mikil og framleiðnin hjá þér er í lágmarki er líklegt að þú getir kennt cotisol um.
Cortisol er gjarnan kallað stress-hormónið. Samkvæmt rannsóknum getur lúr í einungis 15 mínútur minnkað cortisolstig líkamans um helming!
Lúrar koma í veg fyrir að þú ‘vinnir yfir þig’
Samkvæmt rannsókn á vegum Harvard háskólans verða líkurnar á því að þú ‘vinnir yfir þig’ og framleiðni þín snarminnki meiri eftir því sem líður á daginn.
Þú getur brotið upp þessa þróun með því að leggja þig en sama rannsókn bendir til þess að 30 mínútna lúr auki framleiðndi til muna um leið og viðkomandi vaknar.
Passaðu bara að þú kúrir ekki OF lengi…
Það er mikilvægt að sjá til þess að svefninn verði ekki of langur. Til þess að auka framleiðni gildir sama regla og í mörgu öðru: „Minna er meira“.
Samkvæmt Michael Breus á lúr að vera frá 25-30 mínútna langur. Ef þú sefur lengur en í 30 mínútur skaltu sjá til þess að klára svefnhringinn þinn sem er 90 mínútur. Annars áttu í hættu á að vakna enn ómögulegri en þú varst áður en þú lagðir þig!