Viðræður eru í gangi hjá Warner Bros, og HBO Max um að gera þátt þar sem leikararnir sex úr Friends verða sameinaðir á ný.
En samkvæmt heimildarmönnum er ennþá langt í land í samningagerðinni og ef samningar myndu nást, ætti eftir að finna tíma sem myndi henta leikurunum sex. Þættirnir, sem fagna 25 ára afmæli sínu í ár, hafa aldrei verið vinsælli og er slegist um sýningarréttinn á þeim. Mætti segja ný kynslóð hafi fundið þættina.
Vinirnar hafa verið að hittast undanfarið og hafa gefið það í skyn að eitthvað sé í bígerð. Jennifer Aniston mætti meðal annars í þáttinn hjá Ellen þar sem hún gaf í skyn að hópurinn væri að “vinna að einhverju”, sem væri þó ekki endurgerð af þættinum.