Guðjón S. Brjánsson, þingmaður Samfylkingarinnar og fyrsti varaforseti Alþingis, var í forsetastólnum á Alþingi síðdegis í gær þegar Bjarni Benediktsson fjármálaráðherra rauk á dyr. Þetta kom fram á vef DV.
Bjarni var ósáttur við fundarstjórn forseta enda hafði hann verið vændur um að brjóta lög um opinber fjármál vegna Samherjamálsins. Bjarni vildi að Guðjón myndi ávíta þingmenn, sem hann gerði ekki.
Viðbrögð Bjarna hafa vakið töluverða athygli en myndband af því þegar Bjarni fékk nóg má sjá í myndbandinu hér að neðan.