Brendan Jones er 27 ára drengur frá Ástralíu. Árið 2015 ákvað hann að grínast smá í kærustunni sinni og tók 12 nektarmyndir af sér úti í náttúrunni. Hann setti þær svo saman í dagatal og gaf henni í jólagjöf.
Vinum hans fannst þetta svo fyndið að þeir sannfærðu hann að setja þessar myndir á Instagram. Hann gerði það og bjó til Instagram-reikninginn „Get Naked Australia“. Svo stuttu seinna var fólk farið að senda honum myndir af sér svo hann gæti sett þær á síðuna.
„Þetta er allt saman mjög skrýtið. Ég ætlaði bara að gefa kærustunni sniðuga gjöf en í dag fæ ég 20 nektarmyndir á dag frá fólki sem ég þekki ekki. Við byrjuðum á því að nota #nakedinnature og það varð svona rosalega vinsælt“. – Brendan
Þessi Instagram-reikningur er kominn með 230 þúsund fylgjendur og hann stækkar mjög hratt.
Það er spurning hvort það taki ekki einhver á sig að gera íslenska útgáfu af þessu.
