Nokia símar eru ekki nærrum því jafn vinsælir og þeir voru hér á árum áður, en sumir kjósa þó einfalda síma og vilja ekki flækja líf sitt frekar með snjallsímum.
Þetta eru sterkir og öflugir símar og ótrúlegt en satt þá hafa þeir bjargað mörgum mannslífum.
Á vef Indian Express var nýlega fjallað um enn einn Nokia símann sem bjargaði lífi eiganda síns sem varð fyrir hnífaárás – en frægasta tilfellið hlýtur að vera þegar Peter Shillman, starfsmaður Microsoft, deildi mynd af Nokia síma sem stöðvað hafði byssukúlu.
Byssukúlan hafði verið ætluð manni í Afghanistan – en þökk sé þessum Nokia síma þá er hann ennþá lifandi í dag.
Það verður því að segjast að það er einhver sannleikur á bakvið öll þessi Nokia meme á Internetinu sem gera grín að því hversu sterkir Nokia símar eru – því að Nokia getur bókstaflega bjargað mannslífum.
