Enginn var með allar tölur réttar í útdrætti vikunnar í Lottó og verður potturinn í næstu viku því tvöfaldur. Einn miðahafi var með bónusvinninginn og hlýtur hann rúmar 398 þúsund krónur í sinn hlut. Miðinn var keyptur á heimasíðu lotto.is.
Einn heppinn miðahafi var með allar tölur réttar í réttri röð í Jóker í kvöld og hlýtur hann 2 milljónir króna í vinning. Miðinn var keyptur í N1, Stórahjalla í Kópavogi. Þrír voru með fjórar réttar tölur í réttri röð í Jóker og fá þeir 100 þúsund krónur hver. Miðarnir voru keyptir í Olís, Tryggvabraut á Akureyri, Lukku Láka, Þverholti í Mosfellsbæ og á lotto.is.
Heildarfjöldi vinningshafa var 4.629.