Hráefni:
- 200 gr brokkolí skorið í bita
- 600 gr blómkál skorið í bita
- 2 1/2 dl rjómi
- 2 1/2 dl vatn
- 2 1/2 dl kjúklingasoð
- 2 msk smjör
- 2 1/2 dl rifinn cheddar ostur
- 5 beikonsneiðar
- 1/4 tsk timjan
- 1/4 tsk hvítlauksduft
- 1/4 tsk laukduft
- 1/4 tsk salt
- 1/4 tsk svartur pipar
Aðferð:
1. Steikið beikonið á pönnu eða í ofni þar til það verður vel stökkt. Þerrið mestu fituna af því, skerið það í litla bita og leggið til hliðar.
2. Blandið laukdufti, hvítlauksdufti og timjan saman í litla skál. Setjið vatn, kjúklingasoð, blómkál og brokkolí í pott ásamt salti og pipar. Leyfið þessu að malla í 4-5 mín. Bætið þá smjöri saman við ásamt rjóma. Blandið þessu vel saman.
3. Setjið núna rifna ostinn saman við og hrærið rólega þar til osturinn hefur bráðnað. Bætið þá 2/3 af stökku beikonbitunum í súpuna og kryddið súpuna með lauk/timjan kryddblöndunni. Setjið lok á pottinn og látið þetta malla í um 10 mín. Hrærið reglulega í þessu á meðan. Kryddið hana til með salti og pipar eftir smekk.
4. Þegar súpan er klár er hún toppuð með restinni af stökka beikoninu og borin fram strax.