Fólkið sem lést voru öll pólskir ríkisborgarar

Borið hefur verið kennsl á ein­stak­ling­ana þrjá sem lét­ust í brun­an­um á Bræðaborgarstíg þann 25. júní síðastliðinn. Þetta kem­ur fram í til­kynn­ingu frá lög­regl­unni á höfuðborg­ar­svæðinu.

Þau sem lét­ust voru öll pólsk­ir rík­is­borg­ar­ar og að ósk aðstandenda verða nöfn þeirra ekki gefin upp.

Rannsókn lögreglu á brunanum miðar vel en lögregla getur ekki tjáð sig frekar um stöðu mála að svo stöddu.