Trisha Taylor er 31 árs nýbökuð móðir frá Idaho sem var greind með sjúkdóminn Osteogenesis imperfecta (OI). Ef einkennin eru alvarleg (líkt og í tilfelli Trishu) þá eru lífslíkur fólks með OI ekki sérlega góðar. Beinin í líkamanum afmyndast þegar börn stækka og beinbrot geta orðið við minnsta áreiti. Fólk með OI er yfirleitt mjög veikburða og stundum með takmarkaða starfsemi í lungum (sem er ein helsta dánarorsök fólks með OI)
Það er því afrek í sjálfu sér að Trisha sé orðin 31 árs en hún var með 150 beinbrot þegar hún fæddist – svo hefur hún áorkað meiru í lífinu en flestir sem eru kallaðir „heilbrigðir“. Hún er gift Michael sem er líka 31 árs og þau lifðu nokkuð hefðbundnu lífi – þrátt fyrir að sjúkdómurinn hafi valdið því að Trisha varð aðeins 87cm á hæð.
Þau hjónin vildu eignast barn en það var í fyrstu talið útilokað með öllu. Þegar þau ýttu á eftir því að læknar skoðuðu þetta betur þá kom í ljós að líkurnar á að Trisha myndi lifa óléttuna af væru mjög takmarkaðar. Hún var sem sagt talin „of veikburða“ líkamlega til að geta lifað af meðgönguna.
Draumur Trishu og Michael um að eignast barn var svo mikilvægur að þau létu „takmarkaðar lífslíkur á meðgöngu“ ekki stoppa sig. Trisha varð svo fyrir hræðilegum áföllum þegar hún missti fóstur í tvígang. Allir höfðu áhyggjur af henni og töldu þetta staðfesta „það sem var vitað“ – að hún gæti ekki eignast börn.
Jafnvel þó Trisha myndi lifa af meðgönguna þá yrði barnið að öllum líkindum aldrei heilbrigt. Hjónin höfðu trú á því að þetta gengi upp þrátt fyrir að allt mælti gegn því að þau reyndu að eignast barn. Trisha varð svo ólett í þriðja sinn og var undir eftirliti lækna. Henni tókst að klára 32 viku meðgöngunnar en þá var ástandið orðið þannig að læknar framkvæmdu keisaraskurð samstundis.
Maven fæddist 2016 og er orðinn 4 ára gamall. Hann er fullkomlega heilbrigður og er sannkallað kraftaverkabarn. Trisha þurti að vera 3 vikur á spítala eftir að hann fæddist en hún hefur nú náð ágætri heilsu fyrir utan hefðbundin einkenni vegna OI sjúkdómsins.
Fjölskyldan er virkilega ánægð og segir þetta sýna að það er hægt að yfirstíga allar hindranir ef sterkur vilji er fyrir hendi. Læknar hafa kallað þetta „læknisfræðilegt kraftaverk“ en Trisha hefur margfaldað vonir þeirra sem þjást af OI varðandi mögulegar barneignir. Ráðleggingar lækna um barneignir OI sjúklinga munu í framtíðinni taka mið af reynslu Trishu.
Hér eru myndir af hamingjusömu kraftaverkafjölskyldunni.
