Hráefni/deig:
- 1 blómkálshöfuð, skorið í hæfilega litla bita
- 1 dl mjólk
- 1 dl vatn
- 1 dl hveiti
- ½ tsk chilli flögur
Hráefni/sósan:
- 1/2 dl rautt chilli mauk
- 2 msk hlynsýróp
- 1 msk sesamolía
- ½ msk sojasósa
- 1 msk eplaedik
- 1 msk rifinn engifer
- 2 hvítlauksgeirar, rifnir niður
- ¼ tsk salt og 1/4 tsk pipar
- vatn til þynningar (ef þörf er á)
Aðferð:
1. Hitið ofninn í 230 gráður og leggið bökunapappír á tvær ofnplötur.
2. Hrærið saman öll hráefnin fyrir deigið, bætið vatninu við í skömmtum þangað til þið fáið hæfilega þykkt, deigið þarf vera nógu þykkt til að festast við blómkálið. Dýfið næst einum bita í einu í deigið og látið allt umfram deig leka af þeim. Raðið þeim næst á ofnplöturnar.
3. Bakið þetta í ofninum í 25 mín eða þar til þeir hafa tekið á sig fallega gylltan lit. Takið þá úr ofninum og leggið til hliðar.
4. Hrærið saman hráefnin fyrir sósuna og dýfið hverjum blómkálsbita fyrir sig ofan í sósuna. Látið alla umfram sósu leka vel af bitunum áður en þeir fara aftur á ofnplötuna. Þegar búið er að hjúpa alla bitana fara þeir aftur í ofninn í 12-15 mín.
5. Raðið þeim á fat og toppið með söxuðum vorlauk og sesamfræjum. Gott er að setja smá súrmjólk, majónes og gráðaost í matvinnsluvél og mauka saman, þá er komin dásamlega góð ídýfa fyrir bitana.