|
Lord of the Rings – Return of the King hljómleikabíó sýningum hefur verið frestað fram til ársins 2022. Nýjar dagsetningar eru 11. og 12. ágúst 2022. Allir miðar eru enn gildir fyrir nýjar dagsetningar, miðahafar þurfa ekki að sækja nýja miða eða aðhafast neitt. Ef nýja dagsetningin hentar ekki geta miðahafar óskað eftir endurgreiðslu með því að senda tölvupóst á midasala@harpa.is fyrir 8. júlí 2021. Við biðjumst velvirðingar á óþægindum sem þetta kann að valda en þökkum á sama tíma fyrir þolinmæðina og skilninginn Hringadróttinssaga – Hilmir snýr heim (The Lord of the Rings – The Return of the King) verður sýnd í fullri lengd í Eldborgarsal Hörpu ásamt stórri sinfóníuhljómsveit, einsöngvurum og kórum. Hin ógleymanlega saga Tolkiens vaknar til lífsins á ný með hinu fallega tónverki Howard Shore, einu virtasta kvikmyndatónskáldi samtímans, flutt af rúmlega 200 tónlistarmönnum á sviðinu. Örfáir miðar eru eftir á báðar sýningar og ekki er hægt að bæta við fleiri sýningum. |
Skoða viðburðinn á Senalive.is