Eldur kom upp í íbúð í fjölbýlishúsi við Bríetartún í Reykjavík í gærkvöldi.
Mikið tjón varð af brunanum en engin slys urðu á fólki. Í samtali við fréttastofu rúv sagði Bjarni Ingimarsson, aðstoðarvarðstjóri Slökkviliðsins á höfuðborgarsvæðinu, að líklega megi rekja upptök brunans til rafmagnshlaupahjóls.
Talið er að rafhlaða, sem notuð var til að hlaða umrætt hlaupahjól, hafi ofhitnað og sprungið.