ESB afturkallar leyfið fyrir AstraZeneca bóluefnið

Frá og með deginum í dag. 7. maí 2024, hefur framkvæmdastjórn Evrópusambandsins afturkallað markaðsleyfi AstraZeneca (Vaxzevria) covid-bóluefnisins. Leyfið var nánar tiltekið skilyrt markaðsleyfi eins og Lyfjastofnun upplýsti í janúar 2021.

Í mars 2021 sagði landlæknir, Alma Möller, að ávinningurinn af bóluefninu væri meiri en áhættan, en í sama mánuði hætti Noregur að nota bóluefnið sökum hættu á blóðtappa. Tugir þúsunda Íslendinga fengu AstraZeneca bóluefnið.

Í síðasta mánuði viðurkenndi AstraZeneca  fyrir dómstólum í Bretlandi að bóluefnið gæti valdið lífshættulegum blóðtöppum. Nútíminn sagði frá málinu.

Lítið hefur farið fyrir þessari ákvörðun ESB en evrópuþingkonan Christine Anderson vakti athygli á málinu á samfélagsmiðlum og birti afrit af ákvörðuninni sem fylgir hér neðar.

„Milljarðarnir eru komnir í hús, svindlið farið út um allt og lyfjarisarnir loks sáttir,“ skrifar hún.

Í gær birti sænska dagblaðið Göteborgs-Posten frétt þess efnis að lyfjaframleiðandinn AstraZeneca hafi sagt upp 200 starfsmönnum. Ástæða uppsagnar er ekki nefnd.

Færslu Andersen má sjá hér ásamt ákvörðun ESB.

🇨🇦 🇺🇸 🇬🇧 🇦🇺
Quietly and secretly: EU stops approval for #AstraZeneca's #corona "vaccine"‼️

💉The billions have been earned, the scam has been driven through the streets and #BigPharma is finally satiated. Today it becomes known that the @EU_Commission quietly revoked the… pic.twitter.com/nxPqFn3kCe

— Christine Anderson (@AndersonAfDMdEP) May 6, 2024