Kristján Hreinsson skáld hefur kært menningar- og viðskiptaráðherra, Lilju Alfreðsdóttir fyrir notkun íslenskrar tungu hjá starfsmönnum RÚV. Kristján tilkynnti á facebook í gærkvöldi að hann hefði sent Lilju kæruna.
Hann segir kæru sína snúa að notkun íslenskrar tungu hjá fjölmörgum starfsmönnum Ríkisútvarpsins og að mál hans lúti að meintum lögbrotum sem snúa að einhliða ákvörðun starfsmanna RÚV, um að breyta íslenskri tungu, fyrst og fremst með því að auka notkun hvorugkyns og draga úr notkun karlkyns í nafni kynhlutleysi í málfari. „Þetta byggi á misskilningi um kynhlutleysi hins málfræðilega karlkyns“, segir Kristján.
Kristján segir ennfremur að þessi notkun á íslenskunni gangi gegn lagaákvæðum um að leggja rækt við íslenskuna og viðhafa lýtalaust málfar og að hann óski eftir að ráðherrann taki til umfjöllunar kæru hans.
Hér má finna tilkynningu Kristjáns í heild: