Stórstjörnur í Bandaríkjunum keppast nú við að sverja af sér öll tengsli við P. Diddy eftir að hann var handtekinn fyrir allskyns ofbeldis og kynferðisbrot en svo mörg eru þau talin vera að ekki er hægt að telja þau öll upp hér.
Nú þegar hafa Pink og Usher eytt öllu af X-inu sínu (áður þekkt sem Twitter) og myndbönd birst af Diddy og Justin Bieber þegar hann var 15 ára þar sem hann eyddi helginni með rapparanum.
Einnig hafa Obama hjónin og Oprah Winfrey lent illa í sögusögnum vegna náinnar vináttu þeirra við rapparann sem ásakaður er fyrir að halda brengluð kynlífs- og ofbeldispartý.
Sá nýjasti til að lenda í slíku er LeBron James, sem reynt hefur sitt besta til að sverja af sér vináttu sína við Diddy en nýlega dúkkaði upp myndband þar sem NBA goðsögnin sagði í beinni útsendingu að „það er ekkert party eins og Diddy party.“
LeBron hefur þó sagt að hann hafi aldrei orðið var við neitt undarlegt eða vafasamt í þeim veislum sem hann fór í hjá rapparanum, en nú er verið að setja pressu á körfuboltaleikmanninn að tjá sig um málið en James er vanalega duglegur við að tjá sig um samfélagsleg málefni.
Samsæriskenningar?
Nýlega birtist mynd af James í búningi þjónustustúlku sem hefur vakið mikla athygli en marga grunar að um svokallaða „niðurlægingarathöfn“ sé að ræða en orðrómur er um að slíkt viðgangist í Hollywood og muna margir eftir leikaranum John Cena þegar hann birtist nakinn á Óskarsverðlaunaafhendingu.
Líklegt þykir að margir frægir í Hollywood muni lenda undir smásjánni eða jafnvel verða ákærðir fyrir þátttöku sína í afbrotum P. Diddy áður en langt um líður en málið er sagt teygja anga sína um allan skemmtanaiðnaðinn.