Knattspyrnumaðurinn Albert Guðmundsson hefur verið sýknaður af ákæru um nauðgun. Dómur í málinu var kveðinn upp fyrir nokkrum mínútum í Héraðsdómi Reykjavíkur. Albert var ákærður fyrir að hafa haft „önnur kynferðismök en samræði við konu án hennar samþykkis.“
Í ákærunni stóð einnig að Albert hadfi beitt nauðung en hvernig hann átti að hafa gert það veit enginn því það var afmáð úr ákærunni áður en fjölmiðlar fengu hana afhenta. Sextán ára fangelsisvist lá við broti Alberts en ákæran og dómsmálið hefur haft gríðarleg áhrif á þátttöku hans með íslenska landsliðinu.
Albert var settur út í kuldann þrátt fyrir að vera að slá í gegn í ítölsku deildinni, bæði með Genoa og núna Fiorentina en þar er hann í láni. Þetta þýðir að Albert má núna taka þátt í þeim landsleikjum sem framundan eru.