„Fullorðnir einstaklingar, enn og aftur, sem telja að þetta sé besta lausnin fyrir þá – ég er ekki að skipta mér af því og ég hef aldrei sagt að þetta sé ekki til. Ég hef aldrei afneitað tilvist eða að þetta sé til(að vera trans innsk. blm.). Þetta fólk er náttúrlega til, en fæðist maður í röngum líkama? Nei. Getur maður farið í aðgerðir til að líkjast hinu kyninu til að láta sér líða betur? Já,“ segir Eldur Smári Kristinsson sem er formaður hagsmunasamtaka samkynhneigðra, Samtakanna 22. Hann er nýjasti gestur þáttarins „Fullorðins“ á hlaðvarpsveitunni Brotkast.
„…við þurfum ekki öll að vera þvinguð í að taka þátt“
Eldur hefur verið milli tannanna á fólki vegna skoðanna hans á transfólki og hefur Kidda sett útá skoðanir hans í hlaðvarpinu sínu annað veifið. Í þætti dagsins ræðir Kidda, stjórnandi Fullorðins, við Eld Smára um skoðanir hans sem skarast á við hennar og má segja að þau séu oft á öndverðu meiði.
Alls ekki sammála hvort öðru…
„Lít ég á transkonu sem konu. Nei, ég geri það ekki. Transkona er transkona. Karl, transkona. Er transmaður karlmaður. Nei, ég lít ekki transmenn sem karlmenn. Þeir eru transmenn. Ég hef fullan rétt á að lýsa þessum raunveruleika. Ég er ekkert að því til að dissa þetta fólk. Þetta fólk tók ákvörðun fyrir sig að það vildi lifa og takast á við þessar breytingar til að láta sér líða betur. Mér finnst það bara gott og blessað og gott fyrir þau. En við þurfum ekki öll að vera þvinguð í að taka þátt,“ segir Eldur Smári en þá spyr Kidda:
K: „En af hverju getur þú ekki sagt að þetta sé kona?“
ES: „Vegna þess að þetta er ekki kona.“
K: „En ef hún er með kynfæri kvenna, brjóst og allt.“
ES: „En hún er ekki með kynfæri kvenna. Það er ekki kynfæri kvenna þó það sé búið að snúa upp á, skera og gelda þig skiluru…þú ert ekki með kynfæri kvenna. Þetta eru ekki kynfæri kvenna.“
K: „Hmm, ókei“
ES: „Konur eru ekki með svona kynfæri. Plís. Nei.“
Eflaust einar áhugaverðustu samræður um þessi mál – kynin, trans og allt sem því fylgir í nýjustu viðbót hlaðvarpsveitu Brotkast – í þættinum „Fullorðins“ sem Kidda Svarfdal stjórnar. Hér fyrir neðan birtum við stutt myndskeið úr þessum rökræðum þeirra Elds Smára og Kiddu sem eru vægast sagt á öndverðu meiði. Þú getur hlustað og horft á allan þáttinn með áskrift að Brotkast.