Algjört ófremdarástand er í Fjölbrautaskóla Suðurnesja vegna hælisleitenda sem þar stunda nám. Það er ekki vegna tungumálaörðugleika, sem margir myndu væntanlega halda, heldur ofbeldis sem þeir hafa ítrekað beitt aðra nemendur skólans. Aldrei í sögu skólans hafa jafn mörg alvarleg ofbeldismál komið upp á jafn skömmum tíma en skólinn var stofnaður árið 1976. Nútíminn hefur undir höndum myndskeið sem sýnir eitt af þeim ofbeldismálum sem upp hafa komið að undanförnu en árásin átti sér stað á göngum skólans og átti sér stað í byrjun síðustu viku.
ATHUGIÐ AÐ HÉR NEÐST Í FRÉTTINNI ER MYNDSKEIÐ AF EINU AF ÞEIM FJÖLMÖRGU OFBELDISATVIKUM SEM UPP HAFA KOMIÐ INNI Í OG VIÐ SKÓLANN. ÞAÐ ER EKKI FYRIR VIÐKVÆMA.
Þá er það á allra vitorði að bæði starfsmenn og kennarar skólans hafa fengið sig fullsadda af því ofbeldi sem á sér stað bæði innan veggja skólans og á bílastæðum fyrir utan.
Á myndskeiðinu sést hvar þrír hælisleitendur ráðast á íslenskan nemanda með höggum og spörkum. Það er ekki fyrr en þrír starfsmenn skerast í leikinn sem ofbeldið hættir en á mjög skömmum tíma hafa kennarar þurft að hringja á lögregluna að minnsta kosti fjórum sinnum til þess að fá aðstoð. Að allt sé á suðupunkti í Reykjanesbæ er vægt til orða tekið en þeir sem Nútíminn hefur rætt við segja þetta afleiðingu ákvarðana ríkisstjórnar Íslands að koma fyrir ómældum fjölda hælisleitenda í bæjarfélaginu án þess að hugsa um hvaða áhrif það hefur á samfélagið.
Öryggi innanhúss verið aukið
Nútíminn hafði samband við skólameistara Fjölbrautaskóla Suðurnesja, Kristján Ásmundsson, en hann hefur starfað við skólann í fjöldamörg, bæði sem kennari og stjórnandi, en aldrei upplifað annað eins. Hann vissi af ofbeldinu sem átti sér stað í síðustu viku og Nútíminn birtir nú myndskeið af og segir atvikið algjörlega óásættanlegt. Skólinn hafi upptökur af atvikinu enda hafi öryggismyndavélum verið fjölgað í kjölfar ítrekaðra ofbeldismála og því hafi skólinn góða yfirsýn yfir það sem gerðist þennan dag sem og aðra daga sem þessi mál hafa komið upp. En hvað er verið að gera til þess að stemma stigum við þessu ofbeldi? Eru aðrir nemendur skólans öruggir? Er starfsfólk öruggt og eru kennarar öruggir? Hvað er að frétta?
Það staðfestir Kristján sem segir að kennarar sem og starfsmenn allir „hafa lýst yfir áhyggjum sínum af þessu sem eðlilegt er.“
Kristján segir að verið sé að vinna í málinu með aðkomu lögreglu, menntamálaráðuneytisins og aðilum hjá Reykjanesbæ. Þá hafi verið haft samband við forráðamenn viðkomandi nemenda og að eftirlit hafi verið aukið innanhúss.
„Við höfum viðbragðsáætlun hér innanhúss sem hefur verið endurskoðuð en við erum að bíða eftir áætlun sem ríkislögreglustjóri er að útbúa fyrir skólana og á að koma fljótlega. Okkar skilaboð til starfsmanna eru þau að kalla strax til lögreglu ef einhver slagsmál eru í uppsiglingu eða eru í gangi. Fyrstu viðbrögð eru oft að grípa inní og stöðva ofbeldið eins og var nú síðast. Ef einhver væri að hóta vopni sem vonandi verður aldrei þá á að kalla strax til lögreglu og þeir eru mjög fljótir á staðinn,“ segir Kristján en Nútíminn hefur nú þegar haft samband við Ríkislögreglustjóra og spurt um umrædda viðbragðsáætlun og er nú beðið svara. Sú viðbragðsáætlun tekur væntanlega til greina aukinn vopnaburð ungs fólks á Íslandi en varla líður sú vika að ekki sé í fréttum hnífaburður eða hnífaárásir á Íslandi.
Lögreglan kölluð til oftar en einu sinni og oftar en tvisvar
Kristján segir að sem betur fer hafi „ekki oft þurft að kalla til lögreglu undanfarin tvö ár, líklega væri það 3-4 sinnum vegna ofbeldis eða hótana.“ Þeir sem Nútíminn hefur rætt við segja þetta algjört einsdæmi í sögu Fjölbrautaskóla Suðurnesja og í raun í sögu bæjarfélagsins, bæði Keflavíkur og Njarðvíkur – fyrir sameiningu og eftir sameiningu þegar bæjarfélögin tvö hlutu nafnið Reykjanesbær. Það má líka segja það sama um allt landið ef litið er á aðra fjölbrautaskóla á Íslandi. Viðlíka ofbeldismál hafa aldrei komið upp jafn oft á jafn skömmum tíma og raun ber vitni í Reykjanesbæ. Að segja að það sé ekki vegna þeirra stefnu ríkisstjórnarinnar að koma fyrir þeim fjölda hælisleitenda í samfélaginu fyrir sunnan eins og raun ber vitni er í raun það sama og að neita að horfast í augu við staðreyndir.
Menningarárekstrar eru samt útskýringar sem flestir vilja ekki ræða um. Þó svo að það sé staðreyndin. Kristján skólameistari segir að skólayfirvöld séu að reyna að átta sig á ástæðum ofbeldisins.
Spurður einmitt að því hvort viðlíka mál hafi komið upp á þeim tíma sem Kristján hafi starfað við Fjölbrautaskóla Suðurnesja segir hann einfaldlega: „Nei, því miður hefur þeim fjölgað núna.“
Þá er það á allra vitorði að bæði starfsmenn og kennarar skólans hafa fengið sig fullsadda af því ofbeldi sem á sér stað bæði innan veggja skólans og á bílastæðum fyrir utan. Það staðfestir Kristján sem segir að kennarar sem og starfsmenn allir „hafa lýst yfir áhyggjum sínum af þessu sem eðlilegt er.“
Óttast um öryggi sitt
Þá segir Kristján að þeir nemendur sem þarna áttu í hlut hafi verið vikið tímabundið úr skóla. Það virðist þó ekki laga ástandið neitt. Úrræði skólans virðast af skornum skammti enda er hann skuldbundinn, lögum samkvæmt, til þess að veita þessum nemendum menntun – að minnsta kosti á meðan mál þeirra og fjölskyldna þeirra veltast um í kerfinu sem virðist taka óralangan tíma. Því ber þó að halda til haga að fjöldi nemenda í Fjölbrautaskóla Suðurnesja skiptir hundruðum og eru þar nemendur frá hinum ýmsu löndum og eru flestir þeirra góðir nemendur sem stunda nám sitt af kappi og eru þakklátir fyrir það tækifæri sem þeir fá á hinu friðsæla landi, Íslandi. Menningarárekstrarnir eru þó til staðar og sú stefna ríkisstjórnarinnar að koma fyrir öllum þessum fjölda hælisleitenda í einu bæjarfélagi og afleiðingar þess kristallast í því ofbeldi sem nú skýtur upp kollinum, að því er virðist, nánast vikulega í þessum annars ágæta framhaldsskóla sem var stofnaður í samstarfi ríkisins og allra sveitarfélaga á Suðurnesjum.
Hvað gerist þegar umræddir nemendur mæta með vopn í skólann? Þá skiptir engu máli hvort starfsmennirnir sem stöðva áflogin séu þrír, fjórir eða átta.
Menningarárekstrar eru samt útskýringar sem flestir vilja ekki ræða um. Þó svo að það sé staðreyndin. Kristján skólameistari segir að skólayfirvöld séu að reyna að átta sig á ástæðum ofbeldisins.
„Það er margt sem er að valda þessu ofbeldi. Við höfum rætt við hlutaðeigandi til að reyna að átta okkur á ástæðunum. Við viljum reyna eins og við getum að koma í veg fyrir að þetta verði að einhverjum menningarárekstrum og fordómum gagnvart nemendum að erlendum uppruna, en þeir eru margir hjá okkur og upp til hópa ágætis fólk,“ segir Kristján.
Stefna ríkisstjórnarinnar dregur dilk á eftir sér
En þrátt fyrir það þá er þetta staðan. Starfsfólk og kennarar í Fjölbrautaskóla Suðurnesja óttast um öryggi sitt og hafa fengið sig fullsadda. Ekki fullsadda af nemendum sem eru af erlendu bergi brotnir – alls ekki. Þau hafa fengið nóg af því ófremdarástandi sem skapast hefur og því úrræðaleysi sem þau þurfa að horfast í augu við. Þá sérstaklega í ljósi aukins vopnaburðar hjá ungu fólki á Íslandi. Hvað gerist þegar umræddir nemendur mæta með vopn í skólann? Þá skiptir engu máli hvort starfsmennirnir sem stöðva áflogin séu þrír, fjórir eða átta.
Nútíminn hefur í kjölfar þessa máls sent fyrirspurnir, líkt og fram kom hér að ofan, til Ríkislögreglustjóra og þá hefur miðillinn einnig óskað eftir upplýsingum frá Menntamálaráðuneytinu og Útlendingastofnun. Ljóst er að sú stefna ríkistjórnarinnar og þá sérstaklega sú ákvörðun að koma fyrir þessum fjölda hælisleitenda í Reykjanesbæ, nánar tiltekið á Ásbrú (sem áður var íbúabyggð bandaríska hersins) er að draga dilk á eftir sér – vægt til orða tekið.