Lögreglan á höfuðborgarsvæðinu var kölluð til vegna líkamsárásar í gær þegar hópur réðist á tvo einstaklinga. Ekki fylgir dagbókarfærslunni hvort flytja hafi þurft aðila á bráðamóttöku Landspítalans en málið er sagt í rannsókn. Þetta gerðist á vaktinni sem náði frá 17:00 í gær og þar til 05:00 í morgun.
Önnur verkefni voru eftirfarandi og skipt niður eftir hverfum:
Lögreglustöð 1 – Austurbær- Miðbær-Vesturbær-Seltjarnarnes:
Ökumaður stöðvaður í akstri grunaður um akstur sviptur ökuréttindum en sá hefur ítrekað verið stöðvaður fyrir sama brotið.
Ökumaður stöðvaður fyrir of hraðan akstur en hann ók á 114 km/klst þar sem hámarkshraði er 60 km/klst.
Lögreglustöð 2 – Hafnarfjörður- Garðabær- Álftanes:
Ökumaður stöðvaður í akstri grunaður um akstur undir áhrifum ávana og fíkniefna. Laus eftir hefðbundið ferli.
Lögreglustöð 3 – Kópavogur- Breiðholt:
Tilkynnt um rúðubrot þar sem rúða í strætisvagni var brotin.
Lögreglustöð 4 – Grafarvogur- Mosfellsbær- Árbær:
Lögregla kölluð til vegna líkamsárásar þar sem ráðist var á tvo einstaklinga. Talið er að árásaraðilar hafi verið nokkrir og er málið í rannsókn hjá lögreglu.