Eins og sagt var frá í gær á Hún.is er íslenskur karlmaður heimilislaus um þessar mundir og hefst við í bílnum sínum. Hann skildi við barnsmóður sína í september og hefur því verið ansi lengi í þessari ömurlegu stöðu.
Hann hefur verið á lista fyrir félagslega íbúð en ekkert virðist vera að gerast í þeim málum. Yngsta barnið hans er 7 ára og getur hann ekki verið með barninu vegna ástandsins.
Heimilislæknir mannsins er búinn að senda vottorð og krabbameinsdeildin og sálfræðingurinn yfir því hversu staðan hans er alvarleg og allir hafa miklar áhyggjur af stöðu hans eins og hún er í dag. Maðurinn hefur ekki mikið bakland og þess vegna mjög mikilvægt að maðurinn fái hjálp sem allra fyrst.
Eins og segir inni á hún.is:
Ef þú lesandi góður, ert með aðsetur fyrir þennan mann gætir þú verið að bjarga lífi hans. Af því að maðurinn vill ekki koma fram undir nafni, bið ég þá sem geta veitt hjálparhönd að senda á mig tölvupóst á kidda@hun.is