Þórdís Kolbrún Reykfjörð Gylfadóttir er í 2. sæti á framboðslista Sjálfstæðisflokksins í Suðvesturkjördæmi og kom í Spjallið hjá Frosta Logasyni á dögunum.
„Mér finnst stundum þegar stjórnmálamenn eru að tala um að forgangsraða þá finnst mér bara verið að tala um endurröðun. Þú ert bara með steyptan grunn af öllu dótinu sem við erum að gera, öllu sem við eyðum annarra manna peningum í, og svo þegar koma nýjar áskoranir, ný verkefni, nýjar áherslur í stjórnarsáttmála, ný áhugamál hjá einhverjum ráðherra, þá hleðst það alltaf ofan á,“ segir Þórdís.
„Mér finnst ekki margir flokkar raunverulega tala fyrir því að það sé rétt, og að það sé góð hugmynd og almenn kurteisi að fara vel með annarra manna peninga og það er allt frá þessari upplifun fólks af sóun í kerfinu og sú upplifun kemur, því miður, af gildri ástæðu. Það er húrrandi sóun í kerfinu.“