Á dauða mínum átti ég von en ekki að sjá kennarastéttirnar lýsa yfir að þær vilji áframhald á óþokkaskap gegn stúlkum.
Sérstaklega íþróttastúlkum. Ályktun sem KÍ sendi frá sér, sem styður túlkun trans Samtaka 78 og annarra álíka samtaka um tilskipanir Trump, segir okkur það.
Ályktuninni er beint til stjórnvalda hér á landi.
Kynin eru bara tvö
Tilskipun Trumps um, að kynin séu tvö er KÍ ósammála (þó kynin hafi alla tíð verið, eru og verða tvö).
Hverjum hefði dottið í hug að stétt sem fer fram á milljón á mánuði til að kenna börnum þekki ekki vísindi og staðreyndir.
Fyrir utan, að launþegasamtök, hvorki KÍ né önnur, eiga að skipta sér af stjórnmálum annarra landa með opinberum yfirlýsingum.
KÍ virðir ekki fjölbreytileika félagsmanna þegar kemur að stjórnmálum með svona afskiptum.
Tilskipun Trumps mun tryggja að stúlkur geta nú óhræddar og öruggar stundað og keppt í sinni íþrótt án karlmanna, sem skilgreina sig sem konur, KÍ er á móti því.
Hverra hagsmuna er sambandið að gæta?
Kennarar vilja samkvæmt KÍ að karlar keppi með og við konur.
Meiri óþokkaskap er varla hægt að hugsa sér. Kennarar eru óþokkar í sér ef þetta er staðreynd hjá stéttinni. En KÍ segir svo!
Ein afleiðing tilskipunar Trumps er, að nú mega karlar, sem skilgreina sig sem konur, ekki nota einkarými kvenna.
Salerni og baðaðstaða þar með. En KÍ, fyrir hönd kennara, mótmælir þessu.
Eru kennarar hræsnarar að standa ekki með íþróttastúlkum?
Er það svo að kennarar upp til hópa vilji sjá stráka/karla baða sig með stelpum/konum, sem vilja þá ekki inn í baðaðstöðu sína?
Í alvöru, eru kennarastéttirnar fylgjandi brotum á blygðunarsemi sem verður óhjákvæmilega þegar annað kynið notar baðklefa hins.
Árangri kvenna stolið
Íþróttakonur víða um heim hafa barist fyrir að halda karlmönnum, sem skilgreina sig sem konur, frá kvennaíþróttum.
Þær hafa horft á eftir hundruðum titla til nefndra karla, vænu verðlaunafé og styrkjum til náms þar sem það á við.
Loksins komst maður til valda sem tók á vandanum, en þá taka kennarar á Íslandi sig til og vilja að ríkisstjórn landsins mótmæli að stúlkurnar séu lausar við umrædda karlmenn.
Eru kennarar hræsnarar að standa ekki með íþróttastúlkum?
Ályktun KÍ er ekki bara hryllilegur dómur yfir kennarastéttinni heldur leiðir líka hugann að því af hverju menn eru þvingaðir til að vera inni í svona félögum og samböndum.
Nú er tímabært að skoða félagafrelsið af fullri alvöru.
Stjórnvöld ættu að breyta lögum, þannig að enginn félagsmaður sé þvingaður til að vera í félagi eða samtökum sem vilja níðast áfram á stúlkum.
Hér má lesa hvað felst í tilskipunum Tump fyrir kvenkynið.
Hér má lesa hvaða áhrif þær hafa á fólk sem skilgreinir sig trans.
Helga Dögg Sverrisdóttir,
M.Sc. M.Ed. B.Ed. og sjúkraliði.