Sagnfræðingurinn Gústaf Níelsson mættið í Spjallið með Frosta Logasyni, þar sem hann ræddi vítt og breitt um stjórnmál, tjáningarfrelsi í Evrópu, aðgerðir Donald Trump og stríðið í Úkraínu.
Gústafs varpaði fram hálfgerðri sprengju í umræðuna með gagnrýni sinni á það sem hann kallar „of mikla kvenhyggju“ í stjórnmálum og skort á raunverulegri umræðu um kynjahlutföll í valdaembættum.
„Ég býst við að 10 prósent af því fólki sem situr á Alþingi í dag myndi geta fengið vinnu á almennum vinnumarkaði“
Gagnrýni á stjórnmálamenn og áhrif kvenna í valdaembættum
Í viðtalinu gagnrýnir Gústaf sérstaklega samsetningu Alþingis og borgarstjórnar Reykjavíkur og fullyrðir að margir stjórnmálamenn í dag hafi enga raunverulega reynslu af atvinnulífinu utan stjórnmálanna.
„Ég býst við að 10 prósent af því fólki sem situr á Alþingi í dag myndi geta fengið vinnu á almennum vinnumarkaði,“ segir Gústaf og kallar stjórnmálamennina „lélegt lið“.
Hann bendir einnig á borgarstjórn Reykjavíkur og segir að hún sé að stórum hluta skipuð konum sem hann telur hluta af breiðari stefnu þar sem áhersla sé lögð á kynjahlutföll fremur en hæfni.
„Það eru bara þrír staðir eftir þar sem karlar hafa forystu – háskólinn, Seðlabankinn og Hæstiréttur,“ segir Gústaf og bendir á að ef þróunin haldi áfram muni æðstu embætti þjóðarinnar að mestu verða undir stjórn kvenna.
Hann telur að þetta hafi orðið vegna pólitískra áhrifa og sífellt vaxandi áherslu á jafnrétti sem hann segir stundum ganga út í öfgar.
Umræða um kynjapólitík og áhrif kvenhyggju í samfélaginu
Í spjalli þeirra Frosta kemur fram að Gústaf telur að pólitískur rétttrúnaður geri það að verkum að lítið megi gagnrýna þessi mál opinberlega án þess að fá á sig skítkast úr öllum áttum.
Hann segir að almenningur, sérstaklega karlar, óttist að gagnrýna ákveðnar ákvarðanir eða stefnu sem gagnast konum af ótta við að vera úthrópaðir.
„Það má ekki andmæla konu í stjórnmálum, annars ertu bara kallaður einhver skíthæll,“ segir Gústaf og bætir við að konur eigi að geta tekið gagnrýni eins og karlar, án þess að það sé talið árás á þær sem hóp.
„Það eru geðlitlir karlmenn í pólitíkinni í dag“
Frosti tekur undir að það hafi þróast ákveðin „klappmenning“ í pólitíkinni þar sem því sé fagnað að fólk sé þarna kyns síns vegna en bendir á að ef karlmenn myndu gera slíkt hið sama yrði litið á það sem karlrembu.
„Ef karlar segðu: ‘Hey, við strákarnir ætlum bara að mynda meirihluta og stjórna þessu hér,’ þá yrði allt vitlaust.
En þegar konur gera það, þá er það bara flott og frábært,“ segir Frosti og bendir á að kynjapólitíkin hafi þróast á þann veg að jafnrétti virðist einungis gott í aðra áttina.
Hlutverk karla og kvenna í samfélaginu
Gústaf talar einnig um hlutverk kynjanna í samfélaginu og segir að í dag sé pólitíska landslagið orðið þannig að mikil áhersla sé lögð á völd og áhrif kvenna en lítið sé talað um mikilvægi samvinnu kynjanna.
„Karl og kona eru eins og hönd og hanski,“ segir hann og bætir við að kynin eigi að vinna saman í samfélaginu fremur en að dragast í sundur í valdabaráttu.
Hann gagnrýnir einnig að karlar virðist ekki lengur þora að standa fast á sínum skoðunum í stjórnmálum af ótta við að vera gagnrýndir.
Hann segir að þessi þróun hafi orðið til þess að karlar í stjórnmálum í dag séu oft veikgeðja og óttist að taka skýra afstöðu.
„Það eru geðlitlir karlmenn í pólitíkinni í dag,“ segir Gústaf og telur að fáir hafi kjark til að ganga gegn ríkjandi stefnu.
Hægt er að sjá brot úr þættinum hér fyrir neðan en en þú vilt sjá allan þáttinn geturðu tryggt þér ákrift að Brotkast.is og fengið fyrsta mánuðinn á einungis 99. krónur!