Nýlega birtist skoðanapistill frá Uglu Stefaníu undir yfirskriftinni ,,Hvar eru verndarar tjáningarfrelsins nú?”
Pistlahöfunduinn taldi sig sakna þeirra ,,sem telja sig vera verndara tjáningarfrelsis” og þeirra sem ,,ekki hafa verið feimnir við að gagnrýna hagsmunasamtök hinsegin fólks eða kvennahreyfinguna og saka þau um að vilja þurrka út konur, eða vilja skerða tjáningarfrelsi fólks með að draga þau til ábyrgðar fyrir orðsín á opinberum vettvangi.”
Ábyrgð
Áður en ég held áfram er kannski rétt að árétta það að ÉG EINN ber ábyrgð á mínum orðum, en ekki Vísir eða aðrir fjölmiðlar ef út í það er farið.
Það er ennþá óljóst hvort ég verð dreginn til ábyrgðar fyrir dómi fyrir að gagnrýna hinsegin sorpmiðil í Bretlandi, fyrir að telja fólki trú um geirvörtusull úr körlum sé hollt fyrir hvítvoðunga, og fyrir að voga mér að gagnrýna Alþingi fyrir að setja lög sem segja að karlar geti borið og fætt börn, sem er augljóslega algjör veruleikafirring.
Það má því alveg færa fyrir því rök að þetta ákall Uglu sé beinlínis stílað á mig, því ég er einn af þessum fjórum einstaklingum sem Samtökin ´78 hafa kært og get þá með sanni sagt að ég tikka í öll þessi box.
„Hugmyndafræðingar eins og Ugla, þeir sem eiga í raun allt sitt undir þessum gremjuvísindum sem kynjafræðin er“
Þannig að ég ætla að fá að svara þessum pistli og þessum spurningum pistlahöfundar í þeirri von að Vísir birtir og þar með sinnir lýðræðislegum skyldum sínum sem vettvangur eðlilegra skoðanaskipta og umræðu.
Núna er ég ágætlega kunnugur vinnubrögðum Uglu og hvernig pistahöfundurinn er ekkert að láta sannleikann þvælast fyrir sér.
En þetta er í fyrsta sinn sem hann lýsir eftir mér, og öðrum sem eru ”on the dark side” og krefst þess að við rjúfum þögnina.
Rjúfum þögnina
Donald Trump hefur skrifað undir yfir hundrað forsetatilskipanir á þessum fyrstu sex vikum hans í embætti og stjórn hans hefur vægast sagt verið mjög afkastamikil.
Hugmyndafræðingar eins og Ugla, þeir sem eiga í raun allt sitt undir þessum gremjuvísindum sem kynjafræðin er, eru vissulega uggandi yfir því sem er að gerast.
Að taka þessar mjög umdeildu kenningar inn í barnaskóla mun nú reynast þrautin þyngri. Því ber að fagna. Umdeildar kenningar um kyn, hinseginfræði og önnur gremjufræði eiga ekkert erindi til barna.
Fyrirtæki á vinnumarkaði munu nú í auknu mæli hætta viðskiptum sínum við hugmyndafræðileg hagsmunasamtök og gervifræðimenn í fyrirlestrasölu.
Rangfærslur
Ugla heldur fram í pistli sínum: ,, Vísanir í konur í leiðtogastöðum og brautryðjendur innan vísinda hafa nú verið fjarlægðar af vefsíðum ýmissa samtaka eins og NASA – og þar með verið að þurrka út framlag kvenna til framfara í samfélaginu.“ – Þetta er rangt. Það tók mig innan við fimm mínútur að hrekja þetta.
Síða um Wendy Bohon hvarf í stuttan tíma af vef Nasa, en hana má finna hér.
Og allt galleríið með konum NASA er einnig að finna hér.
Þekkjandi vinnubrögð pistahöfunds, þá vissi ég að þetta yrði raunin.
Mun alltaf verja málfrelsi
Munurinn á okkur tveimur er að annar okkar telur hlutlægan raunveruleika skipta máli.
Jafnvel þó ég þurfi kannski að verja hann fyrir dómi.
Ugla segir að borgararéttindi hinsegin fólks séu að skerðast.
„Ég mun aldrei hætta að berjast fyrir hlutlægum raunveruleika og sannleikanum“
Þetta stenst heldur ENGA skoðun. Bandaríska ríkið hefur tilkynnt að það viðurkennir tvö kyn mannfólks og að líffræðilegt kyn ákvarðist við getnað.
Ef SRY litningurinn er til staðar verður barnið drengur.
Ekkert flókið við það.
Ríkið er hætt að stunda skjalafals og viðurkennir að líkamlegt kyn skipti máli.
Kynbundin réttindi, virðing og friðhelgi kvenna SKIPTA MÁLI.
Karlar verða aldrei að konum. Transkonur eru nefnilega karlar. Það er það sem gerir þá trans.
Þetta er ekki hatursorðræða, heldur einfaldlega hlutlægur raunveruleiki. Og hann skiptir máli.
Ég mun aldrei hætta að berjast fyrir hlutlægum raunveruleika og sannleikanum. Því hann skiptir máli, Ugla.
Þú segist ekki vera til í lagalegum skilningi í Bandaríkjunum, þó það sé rangt. Þú segir ferðafrelsi transfólks skert.Það er líka rangt. Þetta eru ranghugmyndir.
Ég mun hinsvegar verja rétt þinn til þess að tjá þær. Því tjáningarfrelsið SKIPTIR máli.
Munt þú verja mitt?
Höfundur er undir sakamálarannsókn fyrir gagnrýni á stjórnvöld