Micheal Jackson sagðist vera slæmur en ekki svona slæmur.
Konungur poppsins var algjör sóði — mesti sóðinn í Hollywood — ef marka má lygilegt viðtal dagblaðsins New York Post við fimm ónafngreindar þernur sem störfuðu á heimili Jackson. Eða eins og þerna, sem New York Post kallar þernu númer eitt, segir í viðtalinu:
Michael átti til að hlaupa um þar sem dýrin voru geymd. Þá dreifði hann kúk um húsið og pældi ekkert í því. Ef maður sagði eitthvað við hann hótaði hann að búa til snjóbolta úr kúki og henda í mann.
Áður en spjallþáttadrottningin Oprah Winfrey heimsótti Neverland-búgarð Michael Jackson til að taka viðtal árið 1993 var allt tekið í gegn. Veggir voru skrúbbaðir, gólf bónuð og gluggar teknir í gegn. Jackson hegðaði sér vel á meðan Winfrey, Elizabeth Taylor og tökuliðið voru á staðnum. Það var hinsvegar eftir að þau yfirgáfu búgarðinn sem Jackson sýndi sitt rétta andlit samkvæmt þernu númer tvö:
Hann pissaði á gólfið í andyrinu. Þetta var súrrealískt. Hann stóð þarna, renndi niður buxnaklaufinni og sprændi á gólfið.
Í umfjölluninni er Jackson einnig sagður hafa verið fársjúkur safnari. Það skrítnasta sem hann á að hafa geymt voru notuð bleyja og notaðar nærbuxur frá fíngerðum manni eða unglingi. Þá er hann sagður hafa verið mikill sóði sem skammaði þernurnar fyrir á skipta á rúmi sínu, sem var oft fullt af óhreinataui og mat.
Jackson fór að hegða sér öðruvísi eftir að hann var sakaður um að nauðga hinum 13 ára gamla Jordan Chandler árið 1993. Hann borgaði fjölskyldu Chandler 20 milljónir dala og þau drógu málsókn sína til baka.
Smelltu hér til að lesa lygilega umfjöllun NYP.