Hinn danski Peter Schmeichel, fyrrverandi markvörður Manchester United og danska landsliðsins lenti á Íslandi í kvöld. Þetta kemur fram á Twitter-síðu kappans.
Arrived in Iceland for the Fire & Ice challenge. Great group of people setting of tomorrow for what looks to be a fantastic experience.
— Peter Schmeichel (@Pschmeichel1) September 3, 2014
Schmeichel er hér á landi til að taka þátt í hjólreiðaáskoruninni the Fire & Ice Challenge ásamt 30 öðrum hjólreiðamönnum. Schmeichel og félagar hjóla til að safna peningum til að bæta líf ungs fólks. Hann hafði þetta um áskorunina að segja á vefsíðu Manchester United Foundation:
Ísland er eitt fegursta land Evrópu og þessi áskorun verður gríðarlega krefjandi. Ég er viss um að þetta verði rosalega gefandi. Ég get ekki beðið eftir að hitta hina hjólreiðamennina.