Fótboltamaðurinn Ashley Young, leikmaður Manchester United í Ensku úrvalsdeildinni, hefur verið skotspónn allskonar gríns frá því að hann lenti í þessu:
Við getum ekki betur séð en að fugl hafi skitið upp í Young í leik Manchester United á móti Gylfa Sigurðssyni og félögum í Swansea. Internetið fór hreinlega á hliðina þegar þetta gerðist en sjálfur hefur Young ekki tjáð sig um málið. Fyrr en nú í viðtali við Sky Sports.
Og hann virðist vera að neita fyrir að nokkuð hafi gerst:
Ég veit ekki hvað ég á að segja þér en ég þarf að koma einu á framfæri: Ég veit það ekki. Ég veit ekki hvað gerðist. Ég hefði sýnt einhver viðbrögð. Ég er búinn að horfa 100 sinnum á myndbandið. Ég veit ekki hvað þetta var en þarf að komast til botns í því. Eftir að þetta gerðist var dúfa sett upp fyrir ofan skápinn minn í búningsherberginu.