Þingkonan Vigdís Hauksdóttir telur sig heppna að hafa ekki „fundið upp og sagt í tvígang „skrýtilegt“ í beinni útsendingu á Bylgjunni“. Þar vísar Vigdís í orð borgarfulltrúans Hildar Sverrisdóttur en það sem Vigdís vissi ekki er að „skrýtilegt“ er gott og gilt íslenskt lýsingarorð.
Hildur benti á orð Vigdísar á Facebook síðu sinni í gær:
Hildur segir að Vigdí sé einn okkar okkar allra skemmtilegasti orðasmiður síðustu ár og bendir á að hún telji sig hafa búið til bullorð í beinni útsendingu.
Hún lætur að því liggja að hún hefði eflaust ekki komist upp með það, eins og ég. Jón og séra Jón og allt það. Well. Vigdísi er hér með góðfúslega bent á að orðið skrýtilegt er gott og gilt orð sem ég bjó alls ekkert til heldur er að finna í orðabókum og alles.
Hildur segist þó ekki hafa tekið þessari umvöndum frá Vigdísi illa.
„Það er auðvitað ekkert nema stórkostlegt að fá athugasemdir um íslenskt mál frá sjálfri Vigdísi Hauks! Það að það hafi svo reyndar bara verið hún sem var að misskilja skrifa ég bara á einhverja seinheppni hjá henni að þessu sinni og hef fulla trú á að næst hitti hún kúna á höfuðið,“ segir Hildur lauflétt.