Andreas Kümmert vann í gær undankeppni Eurovision í Þýskalandi. Þegar úrslitin voru ljós afþakkaði hann heiðurinn og óskaði eftir því að söngkonan sem lenti í öðru sæti færi í hans stað. Myndband af þessum ótrúlega viðburði má sjá hér fyrir neðan.
Kümmert sagði að hann væri bara venjulegur söngvari og að fólk myndi kunna miklu betur að meta Ann Sophie, sem hafnaði í öðru sæti keppninnar. Áhorfendur í salnum bauluðu og kynnarnir vissu ekki hvaðan á þá stóð veðrið.
Kümmert varð vinsæll í Þýskalandi eftir þáttöku í raunveruleikasjónvarpsþættinum The Voice of Germany. Myndband af áheyrnarprufu hans má sjá hér fyrir neðan ásamt framlagi hans í Eurovision og framlaginu sem lenti í öðru sæti en keppir samt til úrslita í Austurríki.
Hér er lagið sem vann en fer ekki til Austurríkis (leiðrétting: Fyrst var hitt lagið sem hann átti í keppninni. Hann átti tvö)
https://www.youtube.com/watch?v=LiX0RSZBQfE
Og hér er lagið sem lenti í 2. sæti en keppir til úrslita
https://www.youtube.com/watch?v=18FVcTseOX0