Sonur mannsins sem var felldur á flótta leiddi Ronaldo út á völlinn fyrir leik

Zied, sonur Sýrlendingsins Osama Abdul Mohsen, leiddi Cristiano Ronaldo út á völlinn fyrir leik Real Madríd og Granada í spænsku úrvalsdeildinni í gær. Horfðu á myndbandið hér fyrir neðan.

Feðgarnir komust í heimsfréttirnar á dögunum þegar ungverskur myndatökumaður brá fæti fyrir Osama þar sem hann hljóp með Zied í fanginu frá ungverskum lögreglumönnum á landamærum Ungverjalands og Serbíu.

Osama starfaði sem fótboltaþjálfari í heimalandi sínu en hann og tveir synir hans eru komnir til Spánar. Fótboltaskólinn Cenafe í úthverfi Madrídar hefur boðið honum starf og íbúð.

Horfðu á myndbandið hér fyrir neðan.