Prakkari stríðir Kelloggs með röð af skelfilegum gerviauglýsingum

Myndbönd sem sýna tígrisdýrið Tony, úr auglýsingum matvælaframleiðandans Kelloggs, í allskonar skelfilegum aðstæðum hafa skotið upp kollinum á Youtube.

Mikið hefur verið lagt í framleiðslu myndbandanna sem líta út eins og raunverulegar auglýsingar en efnistökin  sýna meðal annars vændiskonu í vanda og lögreglumann ganga í skrokk á konu. Sjáðu auglýsingarnar hér fyrir neðan.

Kelloggs hefur lýst því yfir að fyrirtækið hafi ekkert að gera með auglýsingarnar. Prakkararnir hafa einnig sett upp vefsíðuna Tonyisback.com og komið kassamerkinu #Tonyisback í umferð á samfélagsmiðlum.

Fyrsta auglýsingin sem birtist sýndi vændiskonu í vanda

Í þeirri næstu ganga lögreglumenn í skrokk á konu

Og í þeirri þriðju stappar Tony stálinu í konu sem er í þann mund  að fara að sprengja sig í loft upp