Söngvarinn Scott Weiland er látinn. Hann var 48 ára gamall. Þetta kemur fram á Facebook-síðu hans.
Weiland er þekktastur fyrir störf sín í hljómsveitunum Stone Temple Pilots og Velvet Rovolver. Hann lést í svefni í rútu hljómsveitarinnar The Wildabouts í Bloomington í Minnesota. Hljómsveitin hafði verið á tónleikaferðalagi um Bandaríkin.
Weiland hafði lengi barist við eiturlyfjafíkn en dánarorsök hefur ekki verið gerð opinber.