Eric Trump, sonur forsetaframbjóðands Donalds Trump, kom til landsins í ágúst árið 2014. Hann skildi íbúðina sem hann leigði á meðan hann dvaldi á Íslandi eftir í rúst. Þetta kemur fram í Fréttatímanum.
Ragnar Þór Jónsson framkvæmdastjóri leigði Eric Trump þakíbúð þegar hann kom til landsins. Í Fréttatímanum kemur fram að ástandið á þakíbúðinni hafi bent til þess að Trump hefði lifað hátt á Íslandi.
Váá draslið eftir þá eftir aðeins rúman sólarhring. Það var hvítt duft útum alla íbúð, búið að míga í baðið, brjóta borðstofuborðið og skilja gjörsamlega allt eftir í drasli. Þeir skildu samt eftir helling af áfengi, það var ekkert illa séð.
Eric Trump flutti hjartnæma ræðu um föður sinn á landsfundi Repúblikanaflokksins í Cleveland í vikunni. Á fundinum var Donald Trump útnefndur frambjóðandi flokksins í væntanlegum forsetakosningum í Bandaríkjunum. Ræðuna má sjá hér fyrir neðan.
Sjá einnig: Jon Stewart hjólar í Donald Trump í fyrsta innslaginu sínu í 11 mánuði, sjáðu myndbandið
Ragnar segir í Fréttatímanum að Eric hafi greitt 15 íslenskum stelpum 15 þúsund krónur fyrir að fara út að borða með honum og vinum hans.
„Svo rakst ég á hann á djamminu um kvöldið og minntist lauslega á að hann hefði verið í fréttunum á Íslandi. Þá rennur á hann köld gríma og hann skipar fylgdarliði sínu að koma upp í íbúð strax og að þeir séu að fara heim.“
Eric og Lara Yunaska gengu í það heila í september sama ár. Ragnar segir að hún hafi ekki haft hugmynd um ferðina til Íslands og þess vegna hafi þeir drifið sig heim þegar fjölmiðlar greindu frá komu hans til landsins.