Frá og með næstu viku verða dömubindi og túrtappar á öllum salernum Verslunarskóla Íslands. Þetta er afrakstur vinnu femínistafélags skólans og forseta nemendafélagsins sem tóku höndum saman í von um að þetta yrði að veruleika.
Sjá einnig: Vigdís Hauks vill að strákar í Verzló verði skyldaðir til að pissa sitjandi á ókynjaskiptum salernum
Edda Marín Ólafsdóttir, annar formaður femínistafélagsins, segir í samtali við Nútímann að málið hafi verið á stefnuskrá hennar og Helenu Bjarkar Bjarkadóttur, hins formanns félagsins. Liðsstyrkur barst frá Guðrúnu Gígju Sigurðardóttur, forseta nemendafélagsins og verður verkefnið unnið í samstarfi við Icepharma.
Tilkynning femínistafélagsins á Twitter í dag
Dömubindi og túrtappar frá natracare á öllum salernum Verzló í næstu viku!!! THAT'S WHATSUP ?? pic.twitter.com/UZgRW2eWef
— Femínistafélag VÍ (@femverzlo) September 5, 2016
Í upphafi skólaársins voru allar merkingar fjarlægðar af salernum nemenda og kennara skólans en það var einnig fyrir tilstilli nemendafélagsins. Markmiðið er fyrst og fremst að auðvelda þeim nemendum sem ekki eru vissir um kyn sitt lífið.
Edda Marín segir að femínistafélagið hafi fengið mjög góð viðbrögð við merkingarlausu salernunum. Engar fregnir hafi borist af útúrpissuðum klósettum líkt og Vigdís Hauksdóttir, þingmaður Framsóknarflokksins og formaður fjárlaganefndar, hafði áhyggjur af. „Aumingja stelpurnar að fara á útpissuð klósett,“ sagði Vigdís um málið á í færslu á Facebook.