Little Rooster er ný og byltingarkennd vekjaraklukka sem lofar að vekja konur með því að gefa þeim fullnægingu. Eða allavega reyna það. Vekjaraklukkan hefur slegið í gegn og er uppseld sem stendur. Ný sending er væntanleg í október.
Little Rooster virkar þannig að vekjaraklukkan er stillt á ákveðinn tíma áður en henni er komið fyrir ofan í nærbuxunum. Ákveðinn skellur fyrir fólk sem sefur nakið.
Hægt er að velja úr 27 stillingum sem stýra hvernig viðkomandi er vakinn. Vekjaraklukkan byrjar svo að titra og styrkleikinn eykst stöðugt á fimm mínútum. „Þú vaknar hægt. Kynferðislega. Ánægjulega,“ segir á vef vekjaraklukkunnar.
The Little Rooster kostar um tíu þúsund krónur. Þá er sérstök útgáfa af The Little Rooster væntanleg fyrir karlmenn.