Það ætti ekki að verða flókið fyrir Brad Pitt og Angelinu Jolie að greiða úr því hvernig eignir þeirra skiptast niður, nú þegar Jolie hefur sótt um skilnað.
TMZ greinir frá því að Pitt og Jolie hafi gert skotheldan kaupmála áður en þau gengu í hjónaband og að deilurnar muni aðallega snúast um forræði yfir börnunum.
Sjá einnig: FBI safnar gögnum um atvik í einkaflugvél Pitt og Jolie, sagður hafa beitt börnin ofbeldi
Eignir Brangelinu nema 400 milljónum bandaríkjadala, eða sem samsvarar tæplega 46 milljörðum íslenskra króna. Parið á tólf eignir og voru þær allar keyptar áður en þau giftu sig.
Pitt á sjö þeirra, Jolie tvær og þrjár eiga þau saman. Um er að ræða víngarð í Frakklandi, glæsihýsi í New Orleans í Bandaríkjunum og íbúð í New York.
Jolie er sögð hafa sótt um fullt forræði yfir börnunum sex en Pitt vill að þau deili forræðinu jafnt.