Lokaorð rithöfundarins Dags Hjartarsonar í menningunni í Kastljósi á RÚV í gær hafa vakið mikla athygli. Horfðu á myndbandið hér fyrir ofan.
Dagur tók húsnæðismarkaðinn í gegn og benti á að talað sé um að markaðurinn eigi að leiðrétta sig sjálfur. Hann sagðist þekkja par sem flutti þrisvar á síðasta ári og spyr: „Er hægt að leiðrétta það, kannski niður í tvö skipti?“
Þá segist hann þekkja barnafjölskyldu sem býr í bílskúr. „Er hægt að leiðrétta þennan bílskúr? Ekki hefði ég viljað alast upp í bílskúr.“
Dagur segir að á Íslandi búi börn sem flakki eins og bakpokaferðalangar „úr einni skitinni kjallaraholu yfir í þá næstu“ og bætir við að ef markaðurinn treysti sér ekki til að leiðrétta það, þá verði einhver annar að gera það.