Mannanafnanefnd hefur úrskurðað að bæði karlar og konur megi heita Karma. Þetta kemur fram í nýlegum úrskurði nefndarinnar en áður hafði nafnið aðeins verið á skrá yfir karlmannsnöfn.
Í úrskurðinum segir að nafnið Karma hafi verið leyft sem karlmannsnafn í fyrra en hafi ekki öðlast hefð sem karlmannsnafn í íslensku máli.Þá beygist nafnið Karma samkvæmt algengri beygingu kvenkynsnafna en sjaldgæfri hjá karlmannsnöfnum. Það sé því ekkert sem komi í veg fyrir að konur geti líka heitið Karma.
Sem dæmi um önnur nöfn sem eru bæði skráð sem karlmanns- og kvenmannsnafn eru nöfnin Auður og Blær.