Búið er að eiga við nefið á leikkonunni Maríu Birtu í asískri útgáfu af plakati myndarinnar Svartur á leik. Töluverðar breytingar hafa verið gerðar á plakatinu í myndvinnsluforriti og hefur meðal annars verið sett byssa í hönd leikarans Þorvaldar Davíðs Kristjánssonar sem var aldrei með slíka á íslensku útgáfunni.
María Birta segist í samtali við Nútímann hafa tekið eftir þessu þegar hún var að leita að plakati myndarinnar til að senda vinkonu sinni sem býr í Los Angeles í Bandaríkjunum og ætlaði að horfa á myndina.
Hún hefur húmor fyrir nýja nefinu og deildi myndinni með vinum sínum á Facebook. „Þeim fannst nefið á mér heldur ekki vera mikið að virka, svo þeir kipptu því bara í lag,“ skrifar María Birta.
Svartur á leik er íslensk glæpamynd frá árinu 2012 byggð á skáldsögu Stefáns Mána. Þorvaldur Davíð og María Birta léku bæði í myndinni sem byggir meðal annars um óupplýstu bankaráni, umfangsmiklum tryggingasvikum og eitt stærsta fíkniefnamáli Íslandssögunnar.