Jón Þór Ólafsson, þingmaður Pírata, greindi stoltur frá því á Facebook-síðu sinni í dag að henn hefði keypt rafhjól á 140 þúsund krónur. Með færslunni fylgir mynd af hjólinu sem er að gerðinni Mate.
Nokkur umræða skapaðist undir færslu Jón Þórs og bendir einn ósáttur Facebook-vinur þingmannsins á að ekki hafi allir efni á hjóli sem þessu. „Æði, sum okkar eiga samt ekki fyrir mat af því að leigan er að ganga frá okkur, en værum annars alveg til í að versla rafhjól og sleppa við að koma of seint í vinnuna með strætó sem gengur óreglulega. Myndum líka spara 11þ á mánuði við að sleppa græna kortinu, hefðum kannski efni á að vinna heilan dag OG kaupa lunch. En til hamingju, og til hamingju með að vera með 1,1 á mánuði. ÆÐI“ segir vinurinn.
Jón Þór sá sig knúinn til að svara og benti manninum á að ár væri síðan hann hefði keypt hjólið en þá starfaði hann ekki sem þingmaður með rúma milljón á mánuði heldur vann hann við malbikun. Bendir Jón Þór á að hann hafi tekið yfirdrátt til að greiða hjólið og ætlað sér að spara aura sem annars færu í Strætó eða bensín.
Færslu Jón Þórs má sjá hér.
Komin á nýtt rafhjól. Undir 140.000 kr hingað komið. Æðislegt (y) (y)https://www.mate.bike #matebike
Posted by Jón Þór Ólafsson on Mánudagur, 24. júlí 2017