Starfsmaður fréttastofu BBC lenti í heldur betur neyðarlegu atviki í vikunni þegar hann var gómaður við að horfa á erótíska mynd í vinnunni. Maðurinn sem hafði komið sér vel fyrir vissi ekki að hann var í beinni útsendingu í kvöldfréttum.
Á meðan Sophie Raworth, fréttaþulur BBC, sagði frá glæstum sigri Englendinga gegn Suður-Afríku í krikket sat starfsmaður stöðvarinnar með heyrnatól og horfði á erótíska mynd.
Glöggir áhorfendur sem gómuðu manninn voru ekki lengi að hlaða myndbandi af atvikinu á YouTube og nú hafa milljónir manna séð myndbandið.