Benedikt Sveinsson, faðir Bjarna Benediktssonar forsætisráðherra, veitti Hjalta Sigurjóni Haukssyni meðmæli vegna umsóknar um að fá uppreista æru í fyrra. Það er vísir.is sem greinir frá þessu.
Hjalta var veitt uppreist æra í september í fyrra, sama dag og Robert Downey. Hann var dæmdur í dæmdur í fimm og hálfs árs fangelsi í Hæstarétti fyrir áralöng kynferðisbrot gegn stjúpdóttur sinni árið 2004.
Vísir ræddi við þá Benedikt og Hjalta sem vildu lítið tjá sig. Hjalti sagðist þó í samtali við Vísi sjá eftir því að að hafa sótt um uppreist æru. Það hafi hann gert til að fá frið en þau plön hafi snúist upp í andhverfu sína.
Stundin greinir einnig frá því að þeir Benedikt Sveinsson og Hjalti hafi þekkst í mörg ár og segir Hjalti að Benedikt hafi heimsótt sig í fangelsið á sínum tíma.