Vísir.is greinir frá því morgun að konan sem fannst látin á Hagamel í gærkvöldi sé af erlendu bergi brotin og annar mannanna sem lögreglan handtók einnig. Þau bjuggu saman í íbúðinni við Hagamel. Hinn maðurinn sem er í haldi er íslenskur.
Mennirnir tveir eru í haldi lögreglu eftir að kona fannst látin í íbúð á Hagamel í Vesturbæ Reykjavíkur seint í gærkvöldi. Ekki liggur fyrir hvort farið verði fram á gæsluvarðhald yfir mönnunum en lögreglan hefur heimild til að halda þeim í sólarhring áður en þess er krafist.
Grímur Grímsson, yfirlögregluþjónn hjá lögreglunni á höfuðborgarsvæðinu, segir í samtali við að Vísi grunur leiki á um að vopn hafi verið notað við árásina.