Brynjar Níelsson, þingmaður Sjálfstæðisflokksins, bað um að fá að kyssa Steinunni Þóru Árnadóttur, þingkonu VG, á fundi Siðmenntar á Kex Hosteli í gærkvöldi. Fundurinn var sendur út í beinni útsendingu á Facebook-síðu Þjóðkirkjunnar. Horfðu á myndbandið hér fyrir ofan.
Á vef RÚV kemur fram að Steinunn Þóra telji Brynjar hafa farið yfir strikið en Brynjar spyr í sömu frétt hvort kímnigáfa á landinu sé dauð. „Hann var bara asnalegur og óviðeigandi. Ég skil eiginlega ekki hvað hann var að gera eða hvað honum gekk til með þessu,“ segir Steinunn á vef RÚV.
Brynjar segist í frétt RÚV haf averið að lýsa hrifningu sinni á Steinunni og málstað hennar. „Og segja henni að ég væri skotinn í henni. Þetta var ekkert meint neitt illa og var ekki óviðeigandi. Er öll kímnigáfa á þessu landi dauð?“