Portúgalinn Salvador Sobral, sigurvegari Eurovision á síðasta ári segist heppinn að þurfa ekki að heyra neitt af framlögum landanna í ár. Þá sagði hann ísraelska lagið í ár sé hræðilegt en því er spáð góðu gengi. Óhætt er að segja að ummæli Salvadors hafi valdið ursla.
Salvador var ekkert að skafa af því þegar hann var spurður um álit á keppninni í ár í viðtali við portúgalska dagblaðið Publico.
„Sem betur fer þarf ég ekki að heyra neitt í ár. Ég þekki bara portúgalska lagið og það ísraelska en það er eingöngu vegna þess að YouTube neyddi mig til þess að sjá það. YouTube hélt sem sagt að ég hefði áhuga á því að heyra ísraelska lagið, ég smellti á það og þá byrjaði þetta hræðilega lag,“ sagði Sobral
Ummæli Salvadors hafa valdið miklu fjaðrafoki en helsti Eurovision sérfræðingur þjóðarinnar, Felix Bergsson, vonar að Salvador biðjist afsökunar. „Salvador er vonandi maður til að biðjast afsökunar á hrokafullum ummælum sínum,“ skrifaði Felix í færslu á Facebook.