Jón Daði Böðvarsson fékk fallega kveðjugjöf frá unnustu sinni Maríu Ósk Skúladóttir áður en hann hélt til Rússlands með landsliðinu. Frá þessu er greint á Vísi.is.
Jón Daði segir að María hafi gefið honum gjöfina fyrir mótið sem kveðjugjöf og afmælisgjöf.
„Hún bjó til þessa bók þar sem fullt af vinum og fjölskyldumeðlimum skrifuðu falleg kveðjuorð fyrir mót. Það hefur sannarlega gefið mér innblástur og góða tilfinningu fyrir mótið,“ segir Jón Daði á við Vísi.is.
Jón Daði segist njóta þess að skoða bókina og þegar hann hafi skoðað hana í fyrra dag hafi fallið nokkur tár. „Þetta var svo fallega skrifað hjá öllum. Þetta er örugglega besta gjöf sem kærastan hefur gefið mér.“
Jón Daði er á fullu að undirbúa sig fyrir fyrsta leik Íslands á HM og það er komin spenna í hann. „Ég titra af spenningi eins og krakki að bíða eftir jólagjöfunum,“ segir Jón Daði á Vísi.