Zlatan Ibrahimovic er staddur í Rússlandi á HM í knattspyrnu og í gær tók hann Víkingaklappið með hópi af stuðningsfólki Íslands. Sjáðu myndbandið hér að neðan.
Það var líf og fjör hjá Íslendingum í Moskvu í gær en Ísland og Argentína gerðu 1-1 jafntefli í fyrsta leik liðanna á HM. Fyrir leikinn hittist fólk á sérstökum stuðningssvæðum og nokkrir Íslendingar fengu tækifæri á því að leika í auglýsingu fyrir VISA með stjörnuframherjanum Zlatan Ibrahimovic.
Á myndbandinu segist Zlatan elska fólk frá Íslandi áður en hann óskar okkur góðs gengis í leiknum gegn Argentínu. Því er svo fylgt eftir með stórglæsilegu Víkingaklappi.
Zlatan Ibrahimovic hefur verið einn besti sóknarmaður í fótboltaheiminum síðustu ár en er nú kominn á lokasprettinn á ferlinum. Hann er ekki í sænska landsliðshópnum á HM en starfar fyrir VISA á mótinu.
Sjáðu myndbandið
. @Ibra_official has fun with a group of Iceland fans at the #WorldCup as they perform their famous #Vikingclap pic.twitter.com/qG9FS90SiQ pic.twitter.com/00wCmCsLr6
— Sky News (@SkyNews) June 16, 2018