Ferðamaður á þrítugsaldri fannst látinn á gangstétt í Lækjargötu í Reykjavík aðfaranótt laugardags. Svo virðist sem hann hafi fallið af húsþaki. Maðurinn var bandarískur ferðamaður, fæddur árið 1992 og var einn á ferð hér á landi. Þetta kemur fram á vef RÚV. DV greindi fyrst frá málinu.
Jóhann Karl Þórisson aðstoðaryfirlögregluþjónn segir málið rannsakað sem slys en tildrög þess eru ókunn og til rannsóknar. Ekkert samkvæmi var í húsinu þessa nótt. Fólk sem statt var í nágrenninu heyrði manninn falla til jarðar og kallaði á sjúkrabíl. Maðurinn var úrskurðaður látinn við komuna á sjúkrahús.