„Ísland er svo töfrandi staður að það er meira að segja hægt að labba á vatni”

Myndband frá Íslandi hefur vakið mikla athygli á netheimum í dag en þar má sjá konu labba á vatni við Stokksnes. UNILAD Adventur birti myndbandið á Facebook.

Umrædd kona er ferðabloggarinn Jess Dale en hún er dugleg að birta myndir og myndbönd frá ferðalögum sínum á heimasíðu sinni. Hún heimsótti Ísland í lok júní á þessu ári og eyddi hér viku. Hún segist hafa nýtt sér það til fulls að það hafi aldrei verið dimmt á meðan hún heimsótti landið.

Hún segir að það sem hafi komið mest á óvart hafi verið snjór, í júní, og að veðrið hafi gert henni erfitt fyrir að ferðast um hálendið. Hún segir þó að Suðurlandið hafi verið stórkostlegt og að hún skilji vel afhverju það sé vinsæll áfangastaður fyrir ferðamenn.

„ Stokksnes er staður sem þú verður að upplifa. Magnað sjónvarspil sem er óraunverulegt að verða vitni af.” Hægt er að lesa nánar um Íslandsferð Jess á heimasíðu hennar.

Í myndbandinu sem UNILAD birti má sjá Jess labba á vatninu við Stokksnes og við færsluna er skrifað: „Ísland er svo töfrandi staður að það er meira að segja hægt að labba á vatni.”

Sjáðu myndbandið